Persiguir suaños nun ye fácil, pero si da sentíu a la vida. Esa ye la decisión de Nela, una moza valiente que, acompañada pola so hermana Delia, decide dexalo too atrás y llanzase a la aventura. El so destín: Madrid, una ciudá onde espera poder abrirse camín y cumplir el so gran deséu.
¡La moza quier ser artista!
Pero l’ascensu nel mundu del espectáculu nunca ye un senderu rectu. La vida en Madrid va poniendo obstáculos, espeutatives rotas y un futuru qu’a veces paez inseguru. Sicasí, una obra que tien munchu de paralelísmu coles sos vides ponles enfrente’l so propiu destín.
Nel camín cruciánse con personaxes variopintos, divertíos y sorprendentes, que van nutriendo’l so amor pol artisteo y alimentando les ganes de siguir peleando polos sos suaños.
¿Llograrán cumplir lo que s’imaxinaron? Como ya dixo Calderón: “Que los suaños, suaños son”.
Basada nel libretu orixinal de la zarzuela “Agua, azucarillos y aguardiente”, con música de Federico Chueca y testu de Miguel Ramos Carrión, esta versión ta escrita y dirixida por Carmen Campo Mier.
Quiero ser Artista ye una comedia tierna y emotiva, que fala de los suaños, de la superación y de la importancia de non rindise nunca.
Una obra fresca, vital y cercana, que conecta con cualisquier espectador que alguna vez persiguió una ilusión. Un espectáculu ideal pa disfrutar del teatru con emoción, risa y un chisgu d’esperanza.
GÉNERO: Comedia
AUTOR: Carmen Campo
DIRECCIÓN: Carmen Campo
ELENCO: Susana Blanco, Sara Palacio, Carmen Campo, Diana Suárez, Luis Barrera, Javier Valle,Inés Avello, Álvaro Vázquez, Bruno Pérez, Cristina Busto, Isabel Ojeda y Jose Antonio Valle.
DURACIÓN APROXIMADA: 90 min
ESTRENO: 20/08/2023