Una comedia d’aire costumista y mirada actual, escrita y dirixida por Carmen Campo Mier. La obra desendólcase en dos actos y íntegramente n’asturianu, cola frescura y cercanía que carauteriza’l nuesu teatru.
La historia pon el focu n’esi tipu de personaxes que, ensin trabayar nunca, saben mover los hilos pa sacar ventaya de les debilidaes y necesidaes de los demás. Nel casu d’El Molín Encarnáu, el protagonista ye un señoritingu de pueblu que nunca dio un palu al agua y que, con promeses y
palabres guapes, xuega coles ilusiones d’unos mozos ensin trabayu. Convéncelos pa poner en marcha lo que presenta como un negociu innovador, pero la so verdadera intención ye sacar pa él una buena tayada.
Lo que paez un camín fácil hacia’l progresu acaba convirtiéndose nuna trampa onde se mesturen intereses ocultos, decepciones y un choque ente la fantasía y la vida real. Pero, como suel pasar na comedia, nada ye tan negro como paecía al empiezu: los personaxes tamién van atopar nel procesu l’oportunidá de conocese meyor y de mirar con otros güeyos la realidá que los arrodia.
El Molín Encarnáu ye una obra que, con humor y crítica social, retrata l’astucia, les apariencies y les esperances d’un tiempu que, seya onde seya, ye bien reconocible pa tolos públicos.
Una comedia fresca, cercana y divertida, que conecta col espectador dende’l primer momentu y convierte cada función nuna oportunidá pa reflexonar y, sobre manera, pa disfrutar del teatru en compañía.
GÉNERO: Comedia
AUTOR: Carmen Campo
DIRECCIÓN: Carmen Campo
ELENCO: Bruno Pérez, Luis Barrera, Carme Campo, Diana Suárez, Isabel Ojeda, Susana Blanco, Javier Valle, Sara Palacio, Nieves Álvarez, Jose Antonio Valle
DURACIÓN APROXIMADA: 90 min
ESTRENO: 20/08/2015