¿Quién diba dici-y a Antón, un mariñeru humilde d’un pequeñu y prestosu pueblu asturianu, que la so vida daría un xiru inesperáu? De repente, vese metíu nuna hestoria increíble onde la mitoloxía asturiana s’aveza col día a día más cotián. Antón asegura que tuvo un alcuentru con seres fantásticos del nuesu mar, pero claro… ¿quién-y lo va creer?
Los sos vecinos siguen col so ritmu normal: trabayu, romances, alcuentros y desencuentros, rencores antiguos y nuevos sueños. La so vida ta bien anclada na realidá, polo que les palabres d’Antón paecen más un desvaríu que una verdá. Pero ¿y si lo que diz nun fuera tan inverosímil como paeciera?
Espérote nel Puertu ye una comedia tierna, fresca y cargada de poesía que fala del choque ente’l mundu real y l’imaxinariu, de la fuerza de la tradición y de la necesidá de siguir soñando pa nun envieyar nunca.
Como dixo Shakespeare:
“L’home que nun s’alimenta de los sos sueños, envieya primeru”.
Escrita y dirixida por Carmen Campo Mier, esta obra ye un viaxe al corazón d’Asturies, con un toque máxicu que convida a riles, a pensar y a creer un poco más nos suaños.
GÉNERO: Comedia
AUTOR: Carmen Campo
DIRECCIÓN: Carmen Campo
ELENCO: Bruno Pérez, Luis Barrera, Carme Campo, Diana Suárez, Isabel Ojeda, Susana Blanco, Sara Palacio, Nieves Álvarez, Jose Antonio Valle, Álvaro Vázques e Inés Avello
DURACIÓN APROXIMADA: 90 min
ESTRENO: 17/08/2024